SJ News II - шаблон joomla Авто

O’ZBEKISTON TARIXI DAVLAT MUZEYI history-museum.uz

 

VI БЎЛИМ

VI БЎЛИМ

АМИР ТЕМУР ВА ТЕМУРИЙЛАР ДАВРИ РЕНЕССАНСИ

XIV–XV асрлар

 Маҳаллий аҳолининг озодлик учун кураши натижасида мўғулларнинг Ўрта Осиёдаги ҳукмронлиги емирила бошлади.

 Бу даврнинг энг йирик сиёсий арбоби Амир Темур (1336 – 1405 йй.) бўлган. У Кеш (Шаҳрисабз) яқинидаги Хўжа Илғор қишлоғида дунёга келган. Бутун дунёда буюк давлат арбоби ва саркарда, йирик марказлашган давлат асосчиси сифатида шуҳрат қозонди. Маданият ва санъатнинг равнақига катта ҳисса қўшди. Мамлакатнинг гуллаб-яшнаши учун бор куч-қудратини сарф этди.

 Давр воқеалари А.Алиқулов яратган “Амир Темур жаҳон тарихида” номли маҳобатли деворий суратда ўз аксини топган. Оқ от устида тасвирланган Амир Темур образида жамоатчиликда ҳосил бўлган бир қатор психологик хислатлар билан ҳамоҳанг мақсад сари интилиш, қатъийлик, самимиятга йўғрилган кучли ирода каби фазилатлар кўзга ташланади, суратда ҳукмдорнинг том маънодаги буюк характери очиб берилган.

 Экспонатлар орасида “Амир Темур давлати” харитаси, миниатюралар, схемалар, турли ашёлар бор. Сирдарё қирғоғида топилган ҳарбий анжомлар: совут, шлем бўлаклари, теридан тикилган кўйлаклар археологларнинг ажойиб топилмаларидир.

 Намойишга қўйилган ибн Арабшоҳнинг “Амир Темур тарихида тақдир ажойиботлари”, Шарафиддин Али Яздийнинг “Зафарнома” асарлар қўлёзмаларида Амир Темур ҳаёти ва қилган ишлари, фаолиятининг ўзига хос томонлари ҳақида маълумотлар бор.

 Амир Темур шаҳарларни ободонлаштиришга катта аҳамият берган, янги шаҳарлар, қишлоқлар ва боғлар барпо этган.

1. Темурийлар даври жангчисининг қурол-аслаҳалари. 14–15 асрлар.қайта тикланган кўриниши.

2.Темур ҳузурида базм. «Зафарнома» қўлёзмасидан олинган миниатюра. 1628 йил. Нусха. 

3.Темурийлар сулоласи ҳукмдорларининг тангалари. 14–15 асрлар.

 

                  

O'ZBEKISTON TARIXI DAVLAT MUZEYI

© 2017 Axborotdan foydalanish shartlari

 

  

Музей манзили: 700029, Тошкент шаҳри,

Шароф Рашидов кўчаси, 3.

Тел: (371) 239-10-83; Факс: (371) 239-44-25.

E-mail: history@uzci.net.

Иш вақти: 10.00 17.00 соатлар.

Дам олиш кунидушанба.

Top