SJ News II - шаблон joomla Авто

O’ZBEKISTON TARIXI DAVLAT MUZEYI history-museum.uz

 

II Бўлим

ЎЗБЕКИСТОН ҲУДУДИ БРОНЗА ДАВРИДА

МИЛОДДАН АВВАЛГИ  3–2 МИНГ ЙИЛЛИКЛАР

   Бронза даври (милоддан аввалги 3–2 минг йилликлар) инсоният тарихида бронза металлургиясининг ривожланиши – миснинг қўрғошин ва бошқа металлар билан қоришувидан унинг меҳнат қуроли ва қурол-яроғ ясашда етакчи материалларга айланиши билан характерланади. Жамият ҳаётида металлнинг пайдо бўлиши янги технологик имкониятларга – металл қуйишга, чеканкага, болғалаб қилич ясашга йўл очди. Меҳнатнинг янги қуроллари ва янги ҳунармандлик тармоқлари ижтимоий иерархиянинг тезлик билан ривожланишини таъминлади, давлатчиликка ва урбанизацияга асос солди.

 20 аср бошида музейга бронзадан ишланган ашёлар, асосан безаклар келтирилди. Уларнинг бир қисми Чирчиқ тумани (Тошкент вилояти) тепалик-ларидан тўпланган. Ашёлар ичида спиралсимон шохчали, усти “арча” ва учбурчак шаклидаги безаклар билан ясатилган билагузуклар бор. Шу коллекциядаги бешта билагузук ҳақидаги дастлабки ёзув музейнинг кирим дафтарига 1910 йили битилган.

 Ҳозирги вақтга келиб музейда бир неча юзлаб бронзадан ишланган ашёлар тўпланган.

 Витринага қадимги кон қазувчиларнинг қуйидаги меҳнат қуроллари қўйилган: тош болғалар, ўғир дасталари, бронза чўкич, Самарқанд вилоятининг Қарноб манзилидан топилган қадимий қазилмаларнинг фотосуратлари. Зарафшоннинг қуйи оқимида (Замонбобо маданияти), Хоразмда (Тозабоғёб маданияти), Тошкент, Фарғона (Чуст маданияти) вилоятларида яшаган қабилалар моддий маданияти намуналари, шаҳар типидаги Сополлитепа (мил. ав. 1750–1500 минг й.) ва Жарқўтон (мил.ав. 1500–1400 минг й.) манзилидаги қазишмаларда топилган ашёлар тўпламлари, улар таркибига кирувчи сопол ва бронзадан қуйилган маҳсулотлар, заргарлик санъати, тўқимачилик, тош ва суякдан ишланган нарсалар, қуроллар, дафн маросими буюмлари ва бошқалар ҳам намойиш этилган.

 

                  

O'ZBEKISTON TARIXI DAVLAT MUZEYI

© 2017 Axborotdan foydalanish shartlari

 

  

Музей манзили: 700029, Тошкент шаҳри,

Шароф Рашидов кўчаси, 3.

Тел: (371) 239-10-83; Факс: (371) 239-44-25.

E-mail: history@uzci.net.

Иш вақти: 10.00 17.00 соатлар.

Дам олиш кунидушанба.

Top