SJ News II - шаблон joomla Авто

O’ZBEKISTON TARIXI DAVLAT MUZEYI history-museum.uz

 

III БЎЛИМ

ЎЗБЕКИСТОН ҲУДУДИДА ДАВЛАТЧИЛИКНИНГ ШАКЛЛАНИШИ ВА РИВОЖЛАНИШИ

МИЛ. АВ. 1 МИНГ ЙИЛЛИК – МИЛОДИЙ IV АСР.

    Қадимдан Ўзбекистон ҳудудидан Осиё ва Европани, Шарқ ва Ғарбни туташтирган муҳим карвон йўллари ўтган Ўзбекистоннинг геосиёсий жойлашуви бу заминнинг бой тарихини таъминлади, унда яшовчи халқларнинг бағрикенглигига, тотувлигига таъсир кўрсатди, давлатчиликнинг иқтисодий жиҳатдан гуллаб-яшнаши ва равнақига йўл очди.

 Милоддан аввалги 1 минг йиллик бошида Ўрта Осиёда темир буюмлар пайдо бўлди, улар бронза ва тош қуроллар қатори милоддан аввалги VIIVI асрларда кенг қўлланила бошланди. Темир катта майдонларда ер ишлови олиб бориш имконини берди. Ҳунармандчиликнинг ривожланиши мунтазам савдо алмашувига асос солди. Йирик аҳоли яшаш жойларида мудофаа қуроллари ва ҳарбий истеҳкомлар пайдо бўлди.

 

 Милоддан аввалги 1 минг йилликда Ўзбекистон ҳудудида Хоразм, Фарғона, Зарафшон ва Чирчиқ дарёлари ҳавзалари, Бақтрия, Сурхондарё ва Қашқадарё воҳалари цивилизациянинг асосий марказлари бўлган. Юнон тарихчилари асарлари шунингдек, зардуштийларнинг муқаддас “Авесто” китобида қайд этилишича бу ерда учта давлатчилик мавжуд бўлган: Катта Хоразм, Бақтрия подшолиги ва Сўғдиёна (Сўғд). Дунёнинг энг қадимий диний таълимотларидан бири зардўштийлик ана шу ҳудудлар билан боғлиқ.

 

                  

O'ZBEKISTON TARIXI DAVLAT MUZEYI

© 2017 Axborotdan foydalanish shartlari

 

  

Музей манзили: 700029, Тошкент шаҳри,

Шароф Рашидов кўчаси, 3.

Тел: (371) 239-10-83; Факс: (371) 239-44-25.

E-mail: history@uzci.net.

Иш вақти: 10.00 17.00 соатлар.

Дам олиш кунидушанба.

Top