SJ News II - шаблон joomla Авто

O’ZBEKISTON TARIXI DAVLAT MUZEYI history-museum.uz

 

Ўзбекистон тарихи давлат музейида музейлар ҳафталиги доирасида ўтказилган тадбирлар

Ўзбекистон тарихи давлат музейида музейлар ҳафталиги доирасида ўтказилган тадбирлар1

Ўзбекистон Республикаси Вазирлар Маҳкамасининг 2014 йил 11 июлдаги “Давлат музейларининг болалар ва уларнинг ота-оналарига очиқлигини таъминлаш чора-тадбирлари тўғрисида”ги 189-сонли Қарорига кўра ҳар йилнинг 2-8 сентябрь кунлари ўтказиладиган “Музейлар ҳафталиги” хамда ҳафтанинг сешанба ва жума кунлари 18 ёшгача бўлган ёшлар ва уларнинг ҳамроҳларига бепул деб эълон қилинган.  

1.      Ўзбекистон тарихи давлат музейида музейлар ҳафталиги доирасида “Фидойинг бўлгаймиз сени – Ўзбекистон” шиори остида маънавий-маърифий тадбирлар ўтказилди.  Тадбир Республика маънавият ва маърифат маркази, Юнусобод туман хокимлиги, Маънавият-маърифат маркази Юнусобод туман бўлими, “Ўзбекконцерт” эстрада бирлашмаси, Ўзбекистон ёзувчилар уюшмаси билан ҳамкорликда ташкиллаштирилди.   Тадбирда Юнусобод туманида жойлашган ташкилот ва муассасалар, театр ва санъат вакиллари, тадбиркорлар уюшмалари, маҳалла фаоллари ва ҳарбий хизматчилар иштирок этди.

2.      Ўзбекистон Республикаси мустақиллигининг 26 йиллиги муносабати билан “Мустақил юрт фидойилари” маънавий-маърифий тадбир Ўзбекистон фахрийларининг ижтимоий фаолиятини қўллаб-қувватлаш “Нуроний” жамғармаси Республика бошқаруви,  Ўзбекистон “Маҳалла” хайрия жамоат фонди Тошкент шаҳар бўлими бошқаруви қошидаги “Қадрият” давраси билан ҳамкорликда ўтказилди. Тадбирда Тошкент шаҳри маҳалла фаоллари иштирок этди.

3.      Ўзбекистон Республикаси президентининг 2017 йил 12 январдаги “Китоб маҳсулотларини чоп этиш ва тарқатиш тизимини ривожлантириш, китоб мутооласи ва китобхонлик маданиятини ошириш хамда тарғибот қилиш бўйича Комиссия тузиш тўғрисида”ги Ф-4789-сонли Фармойишига мувофиқ “Китоб қалб гавҳари, кўнгил зийнати” номли китоблар кўргазмаси Республика маънавият ва маърифат маркази билан ҳамкорликда ташкил этилди. Тадбирда бадиий, маърифий, илмий-оммабоп, тарбиявий, ёшларнинг интеллектуал салоҳиятини оширишга қаратилган адабиётлар намойиш этилди ва янги нашрдан чиққан китоблар меҳмонларга совға қилинди.

4.      "Китоб мутооласи ва муҳокамаси - маърифий ибрат олиш йўли" мавзуида Ўзбекистон Ёзувчилар уюшмаси билан ҳамкорликда тадбир бўлиб, тадбирда Қорақалпоғистон Республикаси халқ шоири Музаффар Ахмедов билан учрашув ўтказилди. Мустақиллик туфайли озод халқ, мустақил давлат сифатида Ўзбекистоннинг эришаётган ютуқлари, мустақиллик олий неъмат эканлиги ҳақида шоир тадбир иштирокчиларига сўзлаб берди.

5.      Ўзбекистон Республикаси мустақиллигининг 26 йиллиги хамда музейлар хафталиги муносабати билан "Тарихи қадим, келажаги порлоқ Ўзбекистон!" мавзуида “Мустақил Ўзбекистон: Озод ва обод Ватан!” номли музей экспозициясида мустақиллик дарслари ўтказилди. Ушбу дарсларда ўқувчиларга мустақиллик туфайли биз ўзлигимини англаганлигимиз, озод халқ, мустақил давлат сифатида Ўзбекистоннинг улкан салоҳиятга эга давлат эканлигини, озодлик боис уни жаҳон таниганлиги, халқининг фидокорона меҳнати, ёшларга берилаётган кенг имкониятлар ҳақида маърузалар ўқилди.

          6.     Музейлар ҳафталиги доирасида “Кулолчиликнинг қадимги услублари” ва “Дўппиларда ранглар жилоси”                   мавзуларида маҳорат дарслари ўтказилди. Маҳорат дарсларини кулол Жахонгир Бегижонов ва каштадўз                   Марҳабо Магдиева олиб борди. Маҳорат дарсларида ўқувчиларга кулолчиликнинг ривожланиш тарихи,                    турлари ва кулолчилик мактаблари, каштадўзлик, каштачилик усуллари ва нақшлари ҳақида маъруза                          қилинди. Ўқувчиларга ўз қўллари билан кулолчилик буюмларини ясаш ва кашта тикиш имкониятлари                        яратилди.

 

                  

O'ZBEKISTON TARIXI DAVLAT MUZEYI

© 2017 Axborotdan foydalanish shartlari

 

  

Музей манзили: 700029, Тошкент шаҳри,

Шароф Рашидов кўчаси, 3.

Тел: (371) 239-10-83; Факс: (371) 239-44-25.

E-mail: history@uzci.net.

Иш вақти: 10.00 17.00 соатлар.

Дам олиш кунидушанба.

Top